Would you love me anyway ?

بينما انا ببحث عن احد اغاني سلينديون القديمة في موقع اغاني , عاينت للاغنيات ذات الرواج في الموقع . لاقتني اغنية لبنك اسمها 

love me anyway 

الأغنية لطيفة لحنيا و صوت بنك لطيف طبعا , لكن لحظة !!؟؟ يا الهي !! ما هذا ؟ دقيقة بس !!

دي اغنية ولا انا بقرا في قصة في كورا !! 

التطور الطبيعي للانسان من هو صغير حسب مشاهداتي و ملاحظاتي و ليس القراءة العلمية , انو الواحد و هو طفل بكون عندو انانية كبيرة , الأطفال عموما كدا و دا شئ مفهوم, الطفل كانسان قليل الخبرة و التعامل مع الناس و محيطو محدود و كان محاط دوما بالحب و تلقي كل الاشياء العايزها و ما الى ذلك , حدود معرفتو\تصورو لامتداد الأشياء هو نفسو فقط , فطبيعي تظهر فيو صفات زي انو عايز اي حاجة لنفسو , بينظر لرغباتو فقط دون مراعاة لاي حاجة تانية و للظروف , ما بقدر يستوعب خطر تصرفاتو و رغباتو او حتى تأثيرها على الاخرين بما فيهم اقربهم ليهو, و دا شئ طبيعي جدا .

مع النمو و تقدم العمر , بتبدا تدخل المدرسة و الثانوي و من ثم الجامعة و تدريجيا بتبدأ تتعلم انو العالم ليس  فقط انت , و ما بس كدا , انو العالم بيحتاج منك انك تقدم زي ما بتشيل , بمعنى شنو , لو لأي سبب نسيت قلمك في البيت و استلفت من صحبك , و المرة الجاية هو نسى بتاعو و انت ابيت تديو دا بيعني انك حظوظك في انو المرة الجاية هو يتعاون معاك حتقل, فبتفهم تدريجيا انو لابد ليك من التضحية بحاجاتك عشان وقت تحتاج تلقى, و الفايدة تكون مشتركة. لو غشيت صحبك في حاجة فانت بتقلل حظوظك في انو هو يكون صادق معاك وقت تكون انت محتاج ليو. 

و دا هو نفسو حسب فهمي مفهوم التعاون\الايثار اذا صحت الترجمة أو ال 

altruism 

altruism refers to behaviour by an individual that increases the fitness of another individual while decreasing the fitness of the actor. Altruism in this sense is different from the philosophical concept of altruism, in which an action would only be called "altruistic" if it was done with the conscious intention of helping another. In the behavioural sense, t is not evaluated in moral terms—it is the consequences of an action for reproductive fitness that determine whether the action is considered altruistic, not the intentions, if any, with which the action is performed.

altruisme, is an antonym of egoism.

When apparent altruism is not between kin (relatives), it may be based on reciprocity. A monkey will present its back to another monkey, who will pick out parasites; after a time the roles will be reversed. Such reciprocity will pay off, in evolutionary terms, as long as the costs of helping are less than the benefits of being helped and as long as animals will not gain in the long run by "cheating"—that is to say, by receiving favours without returning them. 

ويكيبديا طبعا 

المهم , فكرة الايثار اذا صح التعبير او الترجمة لو الزول عاين ليها بمنظور واسع و نظمي و مداو بعيد  بيلقى انو فعلا قد يظهر  انك حاليا انك بتدي بلا مقابل , لكن في الحقيقة في مقابل ما ,حتى لو ما بنفس الطريقة,  انت حتاخدوا في يوم من الايام بصورة ما, يعني ما بالضرورة تكون مباشرة و انية , قد تكون حتى ما ليك لكن لي أحد اولادك\بناتك مثلا, و هكذا ..  لكن بصورة نقدر نقول الفائدة مشتركة  , اي خصلة حميدة بتنمو في مجتمع ما بالتأكيد بتساعد اي  فرد فيو بصورة جمعية بطريقة او بأخرى, اظن يعني . الكلام دا حسب ما قريت على خفيف كدا بيحصل في كل الكائنات بشر او غيرهم سواء دوافعو كانت اخلاقية بحتة او بيولوجية من اجل البقاء و الامور ديك.

- فالبتالي انت و انت بتكبر بتتعلم حاجات زي انك تضغط و تقلل من بعض رغباتك عموما, و رغبتك الأولى طبعا في انك تقلل من المجهودات البتبذلها . زي انك تمشي مشوار لزول, تخت نفسك في الحتة الضيقة بتاعت انك تعتذر لزول غلطت معاو مثلا!! دي حاجة بتاخد طاقة مهولة بالمناسبة, و حاجة معاطة جدا لكن نحن يعني مرات كتيرة بنضطر نمشي ضد اتجاه راحتنا و نعملها , او انك تلتزم بمعايير اجتماعية معينة لابد ليك بيها في صداقاتك او علاقاتك الاجتماعية , او انك تحترم مشاعر الناس مثلا , او جهودهم او زمنهم , او تساعدهم في حاجة , الحاجات دي كلها دايرة مقدار من الضغط على النفس و اقلال المضجع و الراحة لكن الناس بتعملها  يعني , بنفس المبدأ بتاع الالترويزم الفوق دا يخيل لي و بصورة لا واعية, تختلط و تتأثر بي مدى المشاعر الحميدة الانت بتكنها  للزول المعين دا, لكن ما واقفة عليها
و الحاجة دي شكلها كدا بتتمظهر بي أشكال مختلفة طبعا , و أحاسيس مختلفة , و موجودة بنسب مختلفة بين الناس لكن هي موجودة..

- اها طيب الموضوع شنو !! العالم مؤخرا ماشي في اتجاه غريب جدا " قد" يكون ناتج عن الرومانسية الزائدة للاضطرابات النفسية و الشخصية و تمظهراتها و نتائجها, قد !! . ماشي في اتجاه انو " انا زول بغش و بكضب و ما بحترم اي مشاعر او اي شئ تاني لأي زول لكن بعدا مفروض تتقبلني " قد يكون الخطاب حاليا ما بقول " مفروض" , لكن بس بيسألك بصورة تبدو لطيفة احيانا و لا تخلو من الابتزاز احيانا اخرى " هل حتتقبلني ؟ " لكن بعد شوية ممكن جدا نصل المرحلة بتاعت مفروض دي, بالديناميكس البتمشي بيها نفسية الناس و البشر البشوفها انا غايتو , زي الحاجة الفي اصلها سنة مثلا , أو مبنية على الاستطاعة و الظروف, لكن الناس بعد زمن بتفقد البوصلة لاسباب اجتماعية معينة مثلا و بتبقيها زي الفرض , و الزول الما عملها ببقى زي الناقص كدا. و غير التحولات الطبيعية البتحصل في تفكير الناس او اعتباراتهم لشئ معين . السبب الممكن يساهم برضو في انو الحكاية دي تحصل في ذهني انا غايتو :  هو انو الشئ الوحيد الكان بوقف الاتجاه دا زمان وبيقاوموا  , كان انو الجو العام المتمثل مثلا في الاغاني و المسلسلات و  المنتجات البتأثر على الناس , تلك الاشياء البتصور الواقع كما " يجب ان يكون " , حتى لو ما كما هو , الأشياء دي بتضغط عليك تتصلح و تتغير و تتحكم في نزواتك و رغباتك البتأذي الناس المشتركين معاك في اللحظة المعينة و حيتأثروا بفعلك, ما بتصالح بسهولة مع الانسان البغش و ما بحترم و بكذب و بيؤذي مشاعر الناس بصورة متكررة , بيصورو كانسان يجب عليه انو يتصلح و يضغط على نفسو ,
مع التأكيد على فكرة التسامح مع الضعف البشري و الاخطاء.

هنا انا ما بتكلم عن الحالة بتاعت الانسان العندو تعاطف زائد بحيث انو بشوف حتى المخطئين ضحايا مثلا او بيستحقو التعاطف معهم و دي حاجة انا كتبت عنها قبل كدا في " غراب " . انا بتكلم عن الانسان البرتكب الحاجات دي ذاتو , الكذب و الابتزاز العاطفي و عدم احترام مشاعر الاخرين و التنمر عليهم و أذيتهم و الأخذ منهم بلا "محاولة" لاعطاء مقابل و غيرها من الحاجات البقت منتشرة في كتابات الناس في تويتر و فيسبوك و كورا و هي مخيفة, او يمكن كانت قاعدة من زمان بس يادوب بدت تظهر ما بعرف , العالم كما اراه انا من زاويتي الضيقة ماشي شكلو كدا على اتجاه انو يقول ليهم انتو ناس كويسين عادي يعني و ما في مشكلة و الناس تتقبلكم زي ما انتو و تعفيكم من تحمل العواقب !! و بعد شوية الخوفة انو الما بتقبل\يتحمل يبقى زول قاسي القلب غير متفهم . و دي انا تبدو لي و كأنها مشكلة يعني حقيقية ! لأنو السعادة الجمعية للناس مرتبطة بصورة مباشرة بانو الناس عليها واجبات و عندها حقوق , متى ما اتكسرت الحلقة دي يبقى في خلل اظن لي ! و السعادة في حد ذاتها قدر ما هي مرتبطة بي التعاون المشترك بين الناس في الأحذ والعطاء , فهي برضو عاملة زي الحبل البيظل مشدود بسبب انو في اي لحظة بكون في طرف غلطوا عليو لكن بسامح , و طرف اخر غلط لكن بحاول يصلح غلطوا , دا هو البجلب التوازن , لكن اذا الحاجتين ديل ما مشوا مع بعض فأظن لي الحبل بيرخي و بيقع من جهة.

اها نجي للأغنية بعدا : اتخيل يا انسان الاغنية دي بتقول شنو ؟ 

Even if you see my scars,

Even if I break your heart,

If we're a million miles apart,

Do you think you'd walk away? 

اووكي لحدي هنا عاادي جدا , و مطلوب مرات انو الناس تتسامح مع البشر و مشاكلهم قدر ما تقدر و هنا التسامح ذاتو بيدخل في دائرة التعاون الايثاري اللي حيرجع ليك في المقابل يوم و  الناس حتسامحك لمن تغلط 

Is it for better or for worse,

Or am I just your good-time girl? لاحظ هنا 

Can you still hold me when it hurts, برضو هنا 

Or would you walk away?

عاينو الابتزاز ببدا بسيط كدا هنا و الكلام بيبدو عادي فعلا , " فيو حبة نرجسية كدا بتتعرف من باقي الكلمات " 

Even if I scandalize you, وات !!

Cut you down and criticize you, وات !! 

Tell a million lies about you, وات !!

What would you say?

!!! scandalize you !! 

tell million lies about you !! 

الكلمات ما بصيغة : الحاجات دي انا عملتها زمان و هسي حاحاول قدر ما اقدر اغيرها !! لأ , الكلمات بتعبر عن انسان دي خصائصو عاملة كدا يعني ! و حيستمر كدا ! و دي ياها الحاجات البنقراها في كورا عن مشاكل العلاقة مع انسان عندو مشكلة انانية زائدة و متمركز حول روحو , و قصص مأساوية كدا اكيد الناس مرت بيها. 

يعني الغنية دي غايتو سواء مقصودة ولا لا , فهي بتهيأ الانسان في الاول بكلمات عادية  و ظريفة و رومانسية, لحدي ما تسوقك حبة حبة لأنك تقبل باشياء غريبة و تشوفها رومانسية كمان !!  :

مش الانسان بخطأ و بيسامح ؟ 

بعد شوية 

هل بتقيف معاي بس في الاوقات الكويسة ؟

اووكي 

طيب لو بتقيف معاي في كل الاوقات , حتى مهما شوهت سمعتك و كضبت عليك مليون مرة و فضحتك و ما احترمتك وما بادلتك نفس السلوك و .. و .. , برضو حتقيف معاي مش ؟ 

انا اكاد اجزم انو الزول الكتب الغنية دي انسان نرجسي , ياخ دي غنية مسمومة او 

toxic زي ما بقولو جدا 

.و الناس ما تسمعها ياخ , حاجة مخيفة عديل
زمان الواحد بيفتكر الكلام دا امور مراهقة ساي بتختفي بعد شوية , لكن ياخ مواقع التواصل خوفتنا.   

و الموضوع دا اعتقد انو بيمتد  وحدودو ما انسان واحد يعني  , دائما اي علاقات ما متكافئة في الحياة , بينتج عنها انسان مشوه, غير قادر على انو يمارس الحياة بصورة طبيعية , و دا قد يمتد و يمس كل الناس البعرفهم و حتى الحيعرفهم مستقبلا , الموضوع مؤذي على مستوى بعيد , لذلك انا بترعب لما اقرا كلام زي دا . 

واحدة من اكبر التجارب الانت بتمر بيها و محتاج فيها لاكبر قدر من التفكير التعاوني الايثاري دا هو اظن علاقاتك العاطفية , سواء كان حب ساي كدا ولا خطوبة ولا زواج و لا ايا كان يعني , دا اكبر اختبار تقريبا كدا اذا صحت افكاري لمدى قدرتك على الضغط على النفس و العطاء اللي نفسيا انت بتكون مرتاح تديو بدون اي تفكير في المقابل , لكن المقابل في الحقيقة بكون مهم بالشكل المقبول لدى الطرفين و المراعي لظروف كل منهما عشان الاستمرارية , المقابل مهم حتى لو ما اتقال عديل, و الحاجات كان ما جات من طرفين ما بتمشي 

 تجميل الافعال الزي دي بالصورة العاطفية الرومانسية البتجلبها ليك الغنية , وانك تهيأ الناس لانو يقبلو بيها مقابل الحب و العواطف  اللي هي ذاتها محتاجة اعادة تعريف هنا , دا كلام يبدو لي حاليا فارغ جدا و  بيزيد\يمدد من الزمن الفيهو الواحد بيبدا ينضج و بفهم انو الحاجات كدا ما بتمشي. زمان كنت فاكرة الواحد ممكن بعد يصل 20 سنة كدا يكون خلاص اتخلص من قدر كبير من صفاتو القديمة ال نظرتها احادية و متمركزة حول الذات , و بينطلق لي رحاب المجتمع و الناس, اتفاجأت حاليا انو ممكن يصل اكتر من كدا بكتير و ما زال بنفس السلوك , و النسبة قد تكون ما كبيرة , لكن احساسي بقول لي انها ممكن تزيد . 

لولا الأخطاء و تسامحنا معاها ما كنا قادرين نعيش في هذا العالم , لكن ياخ ما بتصل مرحلة " حتى لو اتصرفت معاك بصورة قمة السوء و كذبت فيك و عليك " برضو حبني !! دي عوارة جديدة من الخواجات ديل ولا شنو !! الواحد و هو بعبر عن مخاوفو من الحاجة دي و انو قدر كيف بيقرا عنها في منصات تواصل كتيرة و خايف , فهو خايف على نفسو قبل الناس , خايف على نفسو و انو يعفيها من محاولات ضبطها و تقويمها و النفس امارة بالسوء و لم يرحم ربك أحدا.

**

 في النهاية خواطر الانسان قد تكون دايما معرضة للخطأ لانها مبنية على عينة قد لا تمثل المجتمع, و الأهم انو خواطرو تعتبر كرسالة لنفسو قبل الاخرين .  

“It is far better to endure patiently a smart which nobody feels but yourself,

than to commit a hasty action whose evil consequences will extend to all

connected with you.”

أو هكذا نظن يعني